Televizioni shtetëror i Iranit njofton një valë të re sulmesh me raketa dhe dronë kundër Izraelit

20:53 | 15 Qershor 2025
E.G

Korpusi i Gardës së Revolucionit Islamik (IRGC) ka nisur një valë të re sulmesh me raketa dhe drone kundër Izraelit.

Raundi i ri i operacionit ushtarak në shkallë të gjerë filloi të dielën pasi shpërthime të mëdha u dëgjuan në zonat e Haifa, Afula dhe Nazaret.

Operacioni filloi menjëherë pasi Ayatollah Seyyed Ali Khamenei, dha një mesazh televiziv, duke thënë se regjimi “i neveritshëm” izraelit do të “bëhej i pafuqishëm” pas hakmarrjes nga Forcat e Armatosura të Republikës Islamike.

Ndërkohë, siç vë në pah BBC, televizioni shtetëror i Iranit thotë se vendi ka sulmuar Tel Aviv, Haifa dhe qytete të tjera “me dhjetëra raketa dhe drone iraniane”.

Ai gjithashtu raporton se raketat kanë tejkaluar “shtresat e sistemit të mbrojtjes izraelite” – por se ushtria izraelite nuk ka komentuar ende. /Telegrafi/